هه‌مه‌جۆر   -   مه‌حوی

  خزر ئەگەر چاوی حەیاتی بڕیە ئاوی حەیات

خزر ئەگەر چاوی حەیاتی بڕیە ئاوی حەیات
من لە خاکی دەری جانانەمە هەر چاوی حەیات

مردنێکی لە بەر ئەو قاپیەدا مەردانە
بە خودا چاترە ئەمڕۆ لە گلاراوی حەیات

تەنکە توێژێکی کشاوە بە ڕووا قولزومی مەوت
وەک حەبابێ بە هەوا بەندە نرا ناوی حەیات

ئەگەر ئازادەگییەک بێ لە عەدەمدا بۆمان،
چی هەیە غەیری بە پێچی پەلەپەل داوی حەیات

دەم لە دەم نانی ڕەقیبانی چ بێ مروەتییە
تێکەڵی ئاوی دەباخانە دەکا ئاوی حەیات

بەو هەموو تاڵیەوە شەربەتی مەرگ، ئەهلی حەیا
خۆش گەواراترە بۆی ئێستە لە شەکراوی حەیات

ئیزنی چوونە چەمەنی وەسڵی سپێرا بە ڕەقیب
مەحویا بمرە کە مردن بووە میراوی حەیات

خزر ئەگەر چاوی حەیاتی بڕیە ئاوی حەیات
من لە خاکی دەری جانانەمە هەر چاوی حەیات

مردنێکی لە بەر ئەو قاپیەدا مەردانە
بە خودا چاترە ئەمڕۆ لە گلاراوی حەیات

تەنکە توێژێکی کشاوە بە ڕووا قولزومی مەوت
وەک حەبابێ بە هەوا بەندە نرا ناوی حەیات

ئەگەر ئازادەگییەک بێ لە عەدەمدا بۆمان،
چی هەیە غەیری بە پێچی پەلەپەل داوی حەیات

دەم لە دەم نانی ڕەقیبانی چ بێ مروەتییە
تێکەڵی ئاوی دەباخانە دەکا ئاوی حەیات

بەو هەموو تاڵیەوە شەربەتی مەرگ، ئەهلی حەیا
خۆش گەواراترە بۆی ئێستە لە شەکراوی حەیات

ئیزنی چوونە چەمەنی وەسڵی سپێرا بە ڕەقیب
مەحویا بمرە کە مردن بووە میراوی حەیات

 625

 بەرهەمەکانی تری شاعیر

© Copyright 2019. All Rights Reserved.
© Copyright 2019. All Rights Reserved.