هه‌مه‌جۆر   -   مه‌حوی

  مژدێکی چەندە خۆشە ڕەقیبی ملی شکا

مژدێکی چەندە خۆشە ڕەقیبی ملی شکا
عەیبی فەقەت ئەوەندەیە یارم دڵی شکا

دای ئیزنی هەرچی دیدە غەزالە لەگەردی ڕێی
بێچارە کلفرۆشە ڕەواجی کلی شکا

تۆ چوویە باغ و پشتی شکا، حەقییە، باغەوان
بازاڕی گوڵ شکاوە، دڵی بولبولی شکا

خەندەی لەب و عەبیری خەتی تۆ بوو وەک مناڵ
تۆوی تکا کە غونچە، وەنەوشە ملی شکا

ڕووتێ لە سەیری پۆشتەیەک بوو چ خۆشی وت:
سەیری هەیە فەرەس کە پەرۆشی جلی شکا

غونچە دەمی لە باسی دەمی تۆوەدا، سەبا
مشتێکی دا لە دەمی، دەم قسەی زلی شکا

یەعقووب‌وەش کە مەحوییە، چاوێشەداری هیجر
چاوی بە گەردی ڕاهی بەشیرت گلی شکا

مژدێکی چەندە خۆشە ڕەقیبی ملی شکا
عەیبی فەقەت ئەوەندەیە یارم دڵی شکا

دای ئیزنی هەرچی دیدە غەزالە لەگەردی ڕێی
بێچارە کلفرۆشە ڕەواجی کلی شکا

تۆ چوویە باغ و پشتی شکا، حەقییە، باغەوان
بازاڕی گوڵ شکاوە، دڵی بولبولی شکا

خەندەی لەب و عەبیری خەتی تۆ بوو وەک مناڵ
تۆوی تکا کە غونچە، وەنەوشە ملی شکا

ڕووتێ لە سەیری پۆشتەیەک بوو چ خۆشی وت:
سەیری هەیە فەرەس کە پەرۆشی جلی شکا

غونچە دەمی لە باسی دەمی تۆوەدا، سەبا
مشتێکی دا لە دەمی، دەم قسەی زلی شکا

یەعقووب‌وەش کە مەحوییە، چاوێشەداری هیجر
چاوی بە گەردی ڕاهی بەشیرت گلی شکا

 601

 بەرهەمەکانی تری شاعیر

© Copyright 2019. All Rights Reserved.
© Copyright 2019. All Rights Reserved.